स्वास्थ्यहेडलार्इन

आज प्रदेश १ मा एक सय ८८ जना कोरोना संक्रमित थपिए

विराटनगर,
प्रदेश १ मा आज १ सय ८८ जना कोरोना संक्रमित थपिएका छन् । थपिएका संक्रमित मध्ये मोरङमा ८३, सुनसरीमा ४०, झापामा २५, धनकुटामा ५, उदयपुर र इलाममा ४–४, भोजपुर, खोटाङ, संखुवासभा र ताप्लेजुङमा १–१ जना छन् । यस्तै, प्रदेश १ बाहिरका २३ जनालाई पनि संक्रमण पुष्टि भएको सामाजिक विकास मन्त्रालयले जनाएको छ । मोरंगको विराटनगरमा २२ महिला र ४२ पुरुष सहित ६४ जनामा संक्रमण देखिएको छ । यस्तै, बेलबारीमा ५, उर्लाबारी र सुन्दरहरैचामा ३–३, बुढीगंगा र लेटाङमा २–२, रंगेली, कटहरी, ग्रामथान र स्थानीय तह नखुलेका १–१ जना छन् ।

सुनसरीको इटहरीमा २०, धरानमा ७, इनरुवामा ४, बराहक्षेत्रमा ३, बर्जुमा २, देवानगञ्ज, दुहवी, गढी र स्थानीय तह नखुलेका १–१ जना छन् । यसैगरि, झापाको दमकमा ८, विर्तामोडमा ५, मेचीनगरमा ४, कनकाई ३, गौरादहमा २, गौरीगञ्ज, बुद्धशान्ति, झापा गाउँपालिकामा १–१ जना संक्रमित छन् ।


धनकुटाको महालक्ष्मीमा ३, पाख्रीवास र धनकुटा नगरपालिकामा १–१, उदयपुरको उदयपुरगढी र स्थानीय तह नखुलेका २–२, इलामको इलाम नगरपालिकामा २, चुलाचुली र माईनगरपालिकामा १–१, भोजपुरको आमचोकमा १, खोटाङको बराहपोखरीमा १, संखुवासभाको खाँदबारीमा १ र ताप्लेजुङको फुङलिङमा १ र प्रदेश १ बाहिरका २३ जनामा कोरोना पुष्टि भएको सामाजिक विकास मन्त्रालयले जनाएको छ ।

यो संगै प्रदेश १ मा कोरोना संक्रमितको संख्या ३१ हजार ८ सय ३४ पुगेको छ । सक्रिय संक्रमितको संख्या १ हजार ३ सय ७३ पुगेको छ । आज प्रदेश १ मा ७ सय ७४ जनाले पीसीआर परीक्षण गराएका थिए ।

Tags

Related Articles

Leave a Reply

Your email address will not be published.

Back to top button