समाचारस्वास्थ्य

वीपी कोइराला स्वास्थ्य विज्ञान प्रतिष्ठानका नर्सहरु अस्पताल भित्रै नाराबाजी गदै १६ बुँदे ज्ञापन पत्र बुझाए

धरान,

वीपी कोइराला स्वास्थ्य विज्ञान प्रतिष्ठान धरानका नर्सहरु अस्पताल भित्रै नाराबाजी गदै आन्दोलनमा निस्केका छन् । फ्रन्टलाईनमा रहेर काम गरिरहेका स्टाफ नर्सहरुको सुरक्षा व्यवस्थापनमा वीपी कोइराला स्वास्थ्य विज्ञान प्रतिष्ठानले कुनै चासो नदेखाएको आरोप लगाउदै नर्सहरु आन्दोलित भएका हुन् ।

उपचारमा खटिदा विरामी संक्रमित भएको पुष्टि भएपछि नर्सहरुलाई क्वारेन्टिनमा राखिनुपर्ने, जोखिम भत्ता दिइनुपर्ने, मास्क र पञ्जासहित पुर्ण पिपिई उपलब्ध हुनुपर्ने, एक वर्ष यता वृद्धि भएको २० प्रतिशत तलब पाउनुपर्ने लगायत माग राखेर स्टाफ नर्सहरु आन्दोलनमा निस्केको हो ।

मेट्रोन र चारै पदाधिकारीहरुलाई माग पत्र बुझाउन जाने क्रममा अस्पताल प्रशासन प्रवेश गर्ने ढोकामा सेक्युरिटीले सबैलाई प्रवेश गर्न नदिएपछि केहीबेर विवाद भएको थियो । पछि विभिन्न विभागका प्रतिनिधिमुलक नर्सहरुलाई सेक्युरिटीले प्रवेश गर्न दिएका थिए । न

र्सका प्रतिनिधिहरु माग पत्र लिएर अस्पताल निर्देशकलाई भेट्न माथिल्लो तला चढेपछि बाहिर बाँकी रहेका नर्सहरुले नाराबाजी गरिरहेका थिए । उनीहरुले आफुहरु डिउटीमा रहँदा कोरोनाबाट सुरक्षाको लागि चाहिने पिपिई, मास्क, पञ्जा समाथ कोरोना विमाको व्यवस्था गर्नुपर्ने लगायत मागहरु १६ बुँदे ज्ञापन पत्र प्रतिष्ठानलाई बुझाएका छन् ।

नर्सहरुले प्रतिष्ठानका चारै जना प्रमुख पदाधिकारीहरु सहित मेट्रोनको समेतलाई ज्ञापनपत्र बुझाएका हुन् । दुई दिन भित्र माग पुरा नभए सम्पुर्ण स्टाफ नर्स, हेल्पर समेत डिउटीमा नआउने चेतावनी दिएका छन् । भदौं १० गते (भोली बुधबार) समम आफुहरुको माग पुरा नगरे कालोपट्टी बाँधेर काममा आउने बताएका छन् । फ्रन्टलाईनमा काम गर्ने स्वाथ्यकर्मीहरु सुरक्षित भयो भने मात्र बिरामीहरु सुरक्षित हुने उनीहरुको भनाई छ ।

https://www.youtube.com/watch?v=cgvMEQ0rnTw&t=1665s

Related Articles

Leave a Reply

Your email address will not be published.

Back to top button