अर्थ खबरसमाचार

प्रदेश नं.१ को बजेट ४० अर्ब ८९ करोड

विराटनगर,

प्रदेश नम्बर १ को बजेट ४० अर्ब ८९ करोड बढी सार्वजनिक भएको छ । आगामी आर्थिक बर्षका लागि ४० अर्ब ८९ करोड ९९ लाख ४७ हजार रुपैयाँ विनियोजन गरेको हो । आर्थिक मामिला तथा योजना मन्त्री इन्द्रबहादुर आङ्बोले सोमबार आगामी आर्थिक बर्षको लागि बजेट सार्वजनिक गरेका छन् । जसमा चालुतर्फ १८ अर्ब ९३ करोड ४९ लाख रुपैयाँ अर्थात ४६।२९ प्रतिशत, पूँजीगत तर्फ २१ अर्ब ९२ करोड ५० लाख ४ हजार अर्थात् ५३।७१ प्रतिशत र वित्तीय व्यवस्थापनतर्फ ४ करोड बिनियोजन गरिएको छ ।

यस्तै अन्तरसरकारी वित्त हस्तान्तरणका लागि २ अर्ब ८८ करोड ८२ लाख ४५ हजार रुपैयाँ विनियोजन गरिएको छ । खर्च बेहोर्ने स्रोतमध्ये आन्तरिकबाट ४ अर्ब ७५ करोड ७ लाख ४७ हजार, राजस्व बाँडफाँडबाट १० अर्ब ३ करोड ५४ लाख, अनुदानबाट १५ अर्ब ११ करोड ३८ लाख छ । चालु आर्थिक वर्षको नगद मौज्दात ६ अर्ब रहने अनुमान छ । यसबाट अपुग भएको रकम न्यून वित्त ५ अर्ब नेपाल सरकारसाग ऋण लिई पूर्ति गरिनेछ ।

जनताको आय अभिबृद्धि गर्न प्राविधिक र सिपमूलक शिक्षामा जोड दिइने प्रदेश बजेटको उद्देश्य रहेको बजेट भाषणका क्रममा मन्त्री आङ्बोले प्रष्ट पारेका छन् । कोरोनाको माहामारी र सबै प्रकारका रोगबाट जनताको जीवनरक्षा गर्ने नीति बजेटले लिएको छ । स्थानीय तहलाई राजस्व बाँडफाँटबाट ८२ करोड ७९ लाख ५० हजार उपलब्ध गराउने व्यवस्था गर्ने बजेटमा बताईएको छ । प्रत्येक स्थानीय तहलाई ५० लाखका दरले १ अर्ब समानिकरण अनुदान उपलब्ध गराइएको छ । आयोजना कार्यान्वयनका लागि प्रत्येक स्थानीय तहलाई १ करोड रुपैयाँ पर्ने गरी १ अर्ब ४० करोड ७० समपूरक अनुदानको व्यवस्था गरेको छ ।

कोभिड १९ का लागि बनाइएको कोशी अस्पताललाई सरुवा रोग तथा अनुसन्धान अस्पताल बनाइने भएको छ । त्यसका लागि ५० करोड विनियोजन भएको छ । २५ शैया सम्मको अस्पताललाई स्मार्ट अस्पतालमा रुपान्तरणका लागि १ अर्ब १० करोड विनियोजन भएको छ ।

https://www.youtube.com/watch?v=WHzecUKPSrI

Related Articles

Leave a Reply

Your email address will not be published.

Back to top button